By AC Milan ka ndërmarrë një ndryshim të thellë në strukturën drejtuese dhe stafin teknik, duke shkarkuar katër figura të rëndësishme pas rezultateve zhgënjyese në kampionat dhe mungesës së kualifikimit në UEFA Champions League.
Mes të larguarve janë drejtori sportiv Igli Tare, trajneri Massimiliano Allegri, CEO Giorgio Furlani dhe drejtori teknik Geoffrey Moncada.
Sipas raportimeve, ky “revolucion” i brendshëm është pasojë e humbjes ndaj Cagliari Calcio dhe dështimit të klubit për të arritur objektivat sezonalë, gjë që nuk është pranuar nga pronari Gerry Cardinale.
Vendimi për shkarkimet ka një kosto të konsiderueshme financiare për klubin, që sipas llogaritjeve arrin rreth 22 milionë euro në total për prishjen e kontratave.
Vetëm largimi i Igli Tares pritet t’i kushtojë Milanit rreth 3 milionë euro, ndërsa Massimiliano Allegri rreth 9 milionë euro. Largimi i Furlanit llogaritet rreth 10 milionë euro, ndërsa Moncada ishte në fund të kontratës.
Ky ndryshim i madh shënon fillimin e një faze të re në projektin sportiv të Milanit, me pritshmëri të larta për riorganizim të plotë të klubit.
