By Edon Zhegrova mund të vazhdojë karrierën në Turqi, pasi Trabzonspor ka shfaqur interes për shërbimet e sulmuesit 27-vjeçar.
Sipas raportimeve, klubi turk po shqyrton mundësinë e afrimit të Zhegrovës në formulën e huazimit, një skenar i ngjashëm me atë të Ernest Muçi, i cili pas një periudhe të vështirë te Beşiktaş JK arriti të rikthehej në formë dhe të spikaste sërish.
Në Trabzon besohet se edhe Zhegrova mund të rilindë në kampionatin turk, pas një eksperience jo pozitive te Juventus FC.
Sulmuesi u transferua nga Lille OSC te Juventusi për rreth 15 milionë euro, por nuk ka arritur të fitojë hapësirat e nevojshme në skuadër.
Statistikat tregojnë se Zhegrova ka grumbulluar vetëm rreth 500 minuta në 28 paraqitje, duke mbetur larg planeve të trajnerit Luciano Spalletti.
Ndërkohë, Juventusi raportohet se është i gatshëm të lejojë largimin e lojtarit në huazim, duke përfshirë edhe një klauzolë blerjeje me një çmim të arsyeshëm. Tashmë mbetet për t’u parë se cili do të jetë vendimi përfundimtar mbi të ardhmen e futbollistit kosovar.
